Urtean zeharreko 34. Igandea —C—

Jesukristo gure Jauna, diren guztien Erregea

Sarrerea

Senideok: Liturgia urteko azkeneko domekan gagoz, eta azkenekoa dalako, bere berezitasuna izan behar dau. Liturgiaren aldetik badauka: Jesukristoren erregetzea ospatzen dogu. Baina, ze berezitasun aurkitzen dogu gure bizitzan gaurko egun honetan? Ze berezirik eskeiniko deutsogu Jainkoari, edo hartuko dogu beragandik?

Jainkoak argitasun eta itxaropen ederrak emoten deuskuz: itxura baten dana heriotzara eta ilunpetara bidean dagoen arren, dana doa bere altzora, bere Semearengan batuz. Honek heriotzan bertan agertzen dau bere handitasuna, bere erregetza. Ospatu daigun.

Aintzarako

Goretsi daigun Jainkoa azkeneko domeka honetan bere Semeagan hartzen gaitulako Espirituaren indarrean. Eta bizkortu daiguzan gure itxaropena ta sinismena:

—Aintza zeruetan Jainkoari.

* Bakea lurrean gizonari.

Lehenengo Irakurgaia (2Sm 5, 1-3)

Dabid zelan izendatzen daben errege azalduko jaku orain. Baina hartu gogoan: zenbat eta zelango guzurrez inguratzen doguzan geure atseginezko diren gauzak! Lehen Dabiden aurka egon zirenak, orain haren morroi jarri nahi dabe. Holangoak izango ete gara geu ere Jainkoarekin?

Erantzun salmoa (121)

Elizara joatea Jainkoaren deiari erantzute lez hartu ezkero, pozik joango ginateke alkarregaz bat egitera eta Jainkoa gorestera; eta hauxe da Salmo honetan iragarriko doguna. Izan daitela geure barrutik sortzen dan adierazpen eta eskaria.

Bigarren irakurgaia (Kol 1, 12-20)

Begira zelango indarraz adierazten daben Kolosako kristauek euren sinismena: antxinakoa da iragarpen hau, eta holango esaldi batzuetan batzen eben euren sinismena. Hartu daigun geure sinismena adierazteko dei lez.

Ebanjelioa (Lk 23, 35-43)

Zelango erregea da, ba, Jesukristo? Ez da errege garailea, heriotza-unean dagoena baino. Holango erregerik ez dau nahi munduak. Uste on izan behar da, gero, holango batengan, benetan errege autortzeko! Egin deiogun harrera on, Aleluia abestuz, zutunik.

Eskariak

Jarri daiguzan gure begiak, lapur onaren antzera, Jesusengan, eta holantxe zuzendu deioguzan eskari apalak Jaungoiko Jaunari:

—Gure Elizbarrutiaren alde: gure gizarteak baztertzen dauzen etorkin eta alboratuak bereganatzeko ahaleginetan danon eskuzabala aurkitu daian, eskatu deiogun Jaunari.

—Gizartean guzurra dala nagusi ikusten dogu, eta erabili ere bai, zeozer lortu nahi dogunean; egizaletasunera aldatu gaizala, eskatu deiogun Jaunari.

—Ahaltsutasuna eta nagusitasuna erakusteko indarkeria erabilten da, eta nahi dana hil edo azpian hartu; bizia eskeintzera aldatu gaitezan, eskatu deiogun Jaunari.

—Siniskeriak eta lorpen errazak nahi dauzen inguruan gagozenok ez gaitezela errazkeriaren liluretan jausi, ikasi daigula zenbat sufritu behar izaten dan eta ahalegindu gaitezan Erreinuko baloreak iragarten ta bizitzan gauzatzen, eskatu deiogun Jaunari.

† Jainko errukitsua: zure erreinuaren ametsean bizi garenok ez daigula inoiz itxaropena galdu, ha zoritxar guztien gainetik iragarri baino. Jesukristo gure Jaunaren bitartez.

—Amen.

OHARRAK

Datorren domekan Abendua hasten dogu; Jaunaren etorrerea gertatzeko aldia: margoa, ubela; ez dago aintzarik; apainduria gitxiago; abesti egokiak... Gertakuntza giroan sartzen gara.

Urtean Zeharreko XXXIII. Igandea /C

  

Ohargileak: Ondo etorri, senideok, Eukaristia honetara. Egin deiogun harrerea buru izango dogun abadeari, zutunik, abestuz:

Sarrera-abestia

     Goazen alkarturik
     biztuta fedea,
     argitan zabalik
     maitasun-bidea.

Entzun dezagun apaltasunez,
entzun dezagun Jaunaren hitza;
bere hitzetan gure egia
gure indarra, gure bizitza

Sarrera-agurra

     Senideok: Liturgi urteko azken aurreko domekan gagoz eta zaharrak barriztu eta barriak urten behar dauala entzungo dogu. Jainkoa gertu dago dana barriztatzeko eta barritasun usainez gu jarteko. Baina beti ere, barriak konprometitu egiten dau; jakin egin behar da barria barri lez eukiten... Ez gaitezan bildur izan. Zaharra eta aldatu beharrekoa baztartzeko gertu egon gaitezan Jainkoaren barrikuntzeari harrera on egiteko gertu.

† Aitaren eta Semearen...

DAMU-OTOITZA  († Zuzendariak;  —Ohargileak)

†   Errukitsua da Jaungoikoa apaltasunez hurreratzen jakozanen­tzat. Autortu daigun ez dogula landu sinismena, eta behin baino sarriagotan bere lepotik barre egin dogula:

     —Jesus Jauna, zeu zaitugu Jainkoaren Barri Ona. Erruki, Jauna!
     —Jesus Jauna, zeugan hartzen dogu barritasun itxurea. Kristo, erruki!
     —Jesus Jauna, zeu zaitugu Aitagana bide barria. Erruki, Jauna!

† Jainkoak bere errukian hartu gaizala eta, biztuera egunean, bere Semearen ondoan jarri gaizala.

—Amen.

 

Aintzarako

     Jaungoikoa aintzaltzen dogunean beragandiko dohaiak es­ker­tu egiten deutsoguzela esan nahi dogu, eta esker onez erantzun nahi deutsogula. Goretsi daigun, ba, Jaungoikoa gogo beroz.

Lehenengo Irakurgaia  (Mal 3, 19-20a)

     Ez gaitezan bildurtu irakurgai hau entzuterakoan. Ulertu daigun Jainkoarena dala benetako zuzentasuna, eta horrek poztu gaizala.

Erantzun Salmoa   (Ps 97)

     Ba ete dago Jainkoarena baino zuzentasun ederragorik, zuzenagorik. Aintzaldu daigun salmo honetan Jainkoaren zuzentasuna, eta poztu gaitezan.

R/. Egin txalo errege dan Jaunaren arrean

Bigarren Irakurgaia  (2Tes 3, 7-12)

     Amaierearen zain egoteak ez gaitu lanetik eta on egitetik aldendu behar. Jainkoaren erreinua landu beharrak eten bako lana eskatzen deusku. Hori argi eukan Paulo apostoluak, eta horrexegaitik egiten deutsez bere ikasleei holango berba gogorrak. Entzun.

Ebanjelioa (Lk 21, 5-19)

     Ez gaizala bildurtu azken egunetako usain edo kutsuko pasarte honek. Zeozer irakatsi gura deutse Jesusen bere ikasleei. Horixe bilatu daigun ebanjelioan, harrerea zutunik eta Aleluia abestuz eginez.

Aleluia! Aleluia! Aleluia!

ESKARIAK  († Zuzendariak;  —Ohargileak)

†   Amaierea Jainkoaren esku dago, eta itxaropenez emon behar deutsogu aurpegi lanean eta uste onean. Horrela zuzendu deiogun gure eskari otoitza Jainkoari:

     —Gure Elizbarrutiaren alde: egunerik egunera ezagutuagoa eta maitatuagoa izan daiten bere eliztarren artean, eskatu deiogun Jaunari.

     —Mundu honetako gauzak igarokorrak direla-ta loak hartu ez gaizan, gerokoaren itxaropenera eroan baino, eskatu deiogun Jaunari.

     —Autonomiak eta independentziak alkarrengan aldentzera barik alkar errespetatzera eta alkarrekin lan egitera eroan gaizan, eskatu deiogun Jaunari.

     —Gure sinismen bizitza eliza barik ezer ez dala ulertzera, eta gure Elizbarrutia maitatzera eta haren eskutik inguruagaz konprometitzera eroan gaizan, eskatu deiogun Jaunari.

† Jainko Jauna: gogo onez zuzendu deutsuguzan eskariok zuri emoten deutsugun erantzuna suspertzeko gauza izan dakiguzala. Jesukristo gure Jaunaren bitartez.

—Amen.

Jaunartzerako abestia:

Zugaz bizi nahi dot Jesus ona
Zuk berotu daizun nire bihotza.
Ilun nago beti zugaz izan ezik
ez dot gura beste maitetasunik.

Nire bihotzera heldu zaitez
biok alkarrekin bizi gaitezen,
Bete naizu beti zure gorputzakin
atsegindu naizu zure odolakin.

        

Gure ondoan, Jauna,
egon zaitez beti:
zu zara gure bide eta gure bizi.

Zu zara, Jauna, zu gure Artzain
eta gu zure artalde,
nora ezean ibilten gara
ardi gaixook zu gabe (bir).

 

Oharrak

 

Urtean Zeharreko XXXII. Igandea /C

Ohargileak: Ondo etorri, senideok, Eukaristia honetara. Egin deiogun harrerea buru izango dogun abadeari, zutunik, abestuz:

Sarrera-abestia

Goazen alkarturik
biztuta fedea,
argitan zabalik
maitasun-bidea.

Entzun dezagun apaltasunez,
entzun dezagun Jaunaren hitza;
bere hitzetan gure egia
gure indarra, gure bizitza

Sarrera-agurra

Senideok: sinismena ez da danen gauzea, ez eta norberak uste izan daiken edozer ere. Jainkoak zabaldu egiten dauz bere dohaiak han-hor-hemen, eta batzuk onartu egiten dabez eta Jainkoari erantzun egin nahi deutsoe; baina beste batzuk barre egiten deutsoe, bai Jainkoari, bai bere dohaiei eta baita esker onez erantzun gura deutsoenei ere. Eta, zoritxarrez, geure artean gertatzen dan gauzea da hau: ez da asagora joan behar holangorik aurkitzeko.

Gaurko elizkizun honek Jainkoari esker onez erantzuten ahalegintzen direnen garra erakutsiko deusku, eta holango gauzei barre egiten deutseenen arinkeria. Eskertu deiogun Jainkoari sinismenaren dohaia, eta eskatu deiogun ha gogotsu iragarten ta ospatzen ekin deiogula.

† Aitaren eta Semearen...

DAMU-OTOITZA ( † Zuzendariak; —Ohargileak)

† Errukitsua da Jaungoikoa apaltasunez hurreratzen jakozanen­tzat. Autortu daigun ez dogula landu sinismena, eta behin baino sarriagotan bere lepotik barre egin dogula:

—Jesus Jauna, zeugan erakusten deusku Jainkoak bere biho­tza. Erruki, Jauna!
—Jesus Jauna, zeugan hartzen gaitu Jainkoak seme-alaba lez. Kristo, erruki!
—Jesus Jauna, zeugan aurkitzen dogu bizitzarako behar dogun adorea. Erruki, Jauna!

† Jainkoak bere errukian hartu gaizala eta, biztuera egunean, bere Semearen ondoan jarri gaizala.

—Amen.

Aintzarako

Jaungoikoa aintzaltzen dogunean beragandiko dohaiak es­ker­tu egiten deutsoguzela esan gura dogu, eta esker onez erantzun gura deutsogula. Goretsi daigun, ba, Jaungoikoa gogo beroz.

Lehenengo Irakurgaia (2Mak 7, 1-2.9-14)

Aberastasun edo aginpide edo atsegin-bila dabizenentzat alperrekoak dira Jainkoari eginiko eskeintzariak eta haren legepean bizi izatea. Baina sinistunak hortixik ataraten dau bere bizitzarako garra ta zentzua. Entzun.

Erantzun Salmoa (Ps 16)

Gure uste ona Jainkoagan jarten eta hau egunero barriztatzen lagunduko deusku salmo honek. Otoitz-giroan egin daigun; barru-barrutik sortu daitela otoitz-berba hau...

R/. Esnatzean zure aurpegiaz aseko naz, Jauna

(edo)

R/. Zu zaitut, Jauna, ondasuna

Bigarren Irakurgaia (2Ts 2, 16—3, 5)

Sinismena danen gauzea ez dala iragarriz, otoitzak eskatzen dauz Paulok sinismenaren iragarpenari ekin ahal izateko; eta horixe bide hori eskeintzen deutse ikasleei.

Ebanjelioa (Lk 20, 27-38)

Zelan erantzun barreguraz hurreratzen jakozanei? Ez ete dira saduzeoak behin baino sarriagotan geuk azaltzen dogun jarrerearen ezaugarri? Aleluia abestuz egin deiogun harrerea gaurko ebanjelio txatal honi.

Aleluia! Aleluia! Aleluia!

ESKARIAK ( † Zuzendariak; —Ohargileak)

† Apaltasunez, baina uste onez (konfiantzaz) hurreratu gakiozan, sinismenaren dohaia egin deuskun Jainkoari, eta eskatu daigun:

—Gure Elizbarrutiaren alde: gure herriaren sinismena aintzat hartu daian, eta sinismen hori landu daian, eta ospatzeko bideak zabaldu daizan, eskatu deiogun Jaunari.

—Eliztar helduen alde: landu bako sinismenari barre egitetik, sinismen hori lantzera igaro daitezan, eskatu deiogun Jaunari.

—Gure etxeetan sinismena landu ta ospatzeari denporatxo bat emon dakion, eta ume ta gazteek ere aintzat hartu ahal izan daien, eskatu deiogun Jaunari.

—Geure burua sinistuntzat autortzeak hau alkarregaz ospatzera eroan gaizan, eta hartutako ondasunen alkarbanantzaile egin gaizan, eskatu deiogun Jaunari.

† Jainko Jauna: gogo onez zuzendu deutsuguzan eskariok zuri emoten deutsugun erantzuna suspertzeko gauza izan dakiguzala. Jesukristo gure Jaunaren bitartez.

—Amen.

Jaunartzerako abestia:

Gogoratu Jesukristo
hil artetik biztua:
sekulako gure indar
eta salbamendua!

Zurekin bagara gu hilten
zurekin gara biziko;
zurekin ba dogu sufritzen,
zurekin Jaun eta Jainko.

edo

Gure ondoan, Jauna,
egon zaitez beti:
zu zara gure bide eta gure bizi.

Zu zara, Jauna, zu gure Artzain
eta gu zure artalde,
nora ezean ibilten gara
ardi gaixook zu gabe (bir).

Oharrak

URTEAN ZEHARREKO 31. IGANDEA —C—

  Sarrera-oharra

  Senideok: Zertan emoten dogu gure bizitzako denporarik gehien? Ondasunak pilatzen? Eta zer balio dabe ondasun guztiek ere? Edo... zenbat diren zoriontsu (eta benetako zorionean) ondasun barik!... Ba ete dago Jainkoaren grazia ta bakea baino ondasun handiagorik? Hara: hori Jesusen bila dabilenak baino ez daki. Beste ondasun bila dabilenak danek ihes egiten deutsoela ikusten dau, eta ezin dau ezer egin ihes egin ez deioen. Goazen gu benetako ondasunagana.

 

Sarrera-abestia

—Aita baten semeok

—Goazen alkarturik, biztuta fedea

 

Damu-otoitza

  Senideok: erruki deusku Jainkoak, maite gaitulako, eta ez deuskuz gure pekatuen kontuak hartzen, hareik parkatzen baino. Damutasunez hurreratu gakiozan, ba:

  —Jesus Jauna, Jainkoaren errukiaren barri emoten deuskuzuna, erruki, Jauna!

  —Jesus Jauna, zure bihotzean leku egiten deuskuzuna, Kristo, erruki!

  —Jesus Jauna, gugana hurreratu ta geurean gelditu gura dozuna, Erruki, Jauna!

 

Lehenengo irakurgaia    (Jk 11, 23—12, 2)

  Ezagutzen dogula Jainkoa uste dogu. Baina, hurreratu gara inoiz haren bularrera, bere bihotzeko taupadak entzuteko? Ea irakurgai honek laguntzen deuskun horretan.

 

Erantzun salmoa   (144, 1-2.8-9.10-11.13cd-14)

  144. salmo honek Jainkoagana hurreratzen gaitu, eta ha onesteko bide emoten deusku.

R/. Jainkoari irrintzi, irrintzi egiozue.

 

Bigarren irakurgaia   (2Ts 1,11—2, 2)

  Sinismena erregalu handia da, eta Paulok otoitz egiten dau ha hartu daien, eta, sinismena hartu daienak, ezeren bildur izan ez daitezan.

Ebanjelioa   (Lk 19, 1-10)

  Jesusen bila ibili eta ha benetan aurkitzen dauanak bere bizitzea iraulita aurkituko dau. Egin deiogun harrera on, hori azalduko deuskun ebanjelioari, Aleluia abestuz zutunik.

 

  Eskariak

  † Apaltasunez eta esker onez jo daigun Jainkoaren bila gure eskarietan:

 
  —Elizearen alde: gizakion artean Jainko-egarria sortu daian, eskatu deiogun Jaunari.

 
  —Elizara ohikerietan joten dabenen alde: Jainkoaren bila hasi daitezan, eskatu deiogun Jaunari.

 
  —On egite hutsaz nahikoa dabenen alde: Jainkoaren egarri izan daitezan, eta horren ezaugarri izan dakien on egitea, eskatu deiogun Jaunari.

 
  —Ondasunez ase-beteta dagozenen alde: hareen banantzearen poza aurkitu ahal izan daien, eskatu deiogun Jaunari.

 
  —Eukaristiaren ondasun eder honen atsegina dogunok be­ronen poza iragarten jakin daigun, eskatu deiogun Jaunari.

 
  † Maite gaituzulako gutaz errukitzen zaran Jauna, biztu gugan zeuk baino beste inork inork ase-bete ezin daiken egarria. Jesukristo.

  —Amen.

 

DOMUSANTU

Hazilak 1

ABESTIAK-ETA

Sarrera-agurra (Ohargileak)

   Egunon, senideok. Ondo etorri Santu guztien liturgia ospatzera. Egin deiogun harrerea abadeari, zutunik eta abesti artean.

 

Abestia

BIZI DA Jauna, bizi da; bizi da Jauna, bizi da.
Bizi da... gure artean!

Abadearen agurra

   Senideok: gaurko liturgiak Santu Guztien oho­rea alda batera ospatu nahi dau. Zertarako? Gu guztion itxaropena esnatzeko, indartzeko..., eta gu mundu honen egokieratik atara eta Jesusen programara erakarteko.

   Ez daigun galdu aukera hau, geure ohikerietan zarratuta jarraituz. Zabaldu daiguzan gogo-adime­nak Jainkoaren doaietara.

 
† Aitaren eta Semearen eta Espiritu santuaren izenean.

—Amen.

Aintzarako oharra

   Zeruetan Jainkoaren aintza abesten diharduen Santu guztiekin bat egin daigun Jainkoa aintzaltzeko:

   Aintza zeruetan Jaungoikoari...

Hitzaren Liturgia

1  Apk 7, 2-4...

   Gure artean larregi madarikatzen da, larregi gaitzesten da. Liburu honek aurkezten deuskun mun­du barria goralpenezkoa da, onespenezkoa. Onartu daigun berak dinoskuna, eguneroko bizi­tzan madarikatzen ta gaitzesten barik, bedeinka­tzen ta onesten bizi izan gaitezan.

Erantzun salmoa

2  1Jn 3, 1-3

   Mundu honetara egokituegiak gagozanok ez dogu sentitzen Jainkoaren seme-alaba izatearen gozotasunik. Ez ete dogu nahi? Joan apostoluak adoretu egin nahi gaitu. Entzun.

Ebanjelioa, Mt 5, 1-12a

   Jesusek bere programea aurkezten deutse jarraitzaileei, lehengotan jarraitu nahi ez dabenei. Programa hau ez da, ba, edozeinentzat. Baina, onartzen dauana, zoriontasun-bidean abiatuko da.

ESKARIAK  († Abadeak; —Ohargileak)

   † Aurkeztu deioguzan gure eskariak bere betiko zorionean nahi gaitun Jainko Aitari:

   —Eleizearen alde: poztu daiten egun honetan eta bere seme-alaben itxaropena indartu daian, eskatu deiogun Jaunari.

   —Jainkoaren erreinuko lanetan nekatuta, edo gogo barik, edo etsipenerako arriskuan dagozenen alde: gogo-barritu daitezan eta adorea izan daien, eskatu deiogun Jaunari.

   —Gaurko mundura egokituta, zeruetako poza nahi dabenen alde: Jesusen programea onartzeko adorea izan daien, eskatu deiogun Jaunari.

   —Jainkoa epaile zorrotz eta zorion-hari apurt­zaile lez daukenen alde: Jainko zorion-emoilea eza­gutzera heldu daitezan, eskatu de­iogun Jaunari.

   —Gu guztiok «Santuen Alkartasuna» sinistu dai­gun, eta gure Eukaristiak horren ezaugarri izan daitezan, eskatu deiogun Jaunari.

   † Jainko Jauna: emoiguzu zure ondasunen go­zo­tasuna bilatzea, eta santu guztien poztasun-itxaropenean bizi izatea. Jesukristo gure Jaunaren bitartez.

 

Jaunartzean

   —Dohatsu bihotz garbiak: ikusiko dabe-ta Jainkoa.

   * Hau da poza, hau poz handia, ederra da-ta zuen saria.

Dohatsu bihotz barnez pobreak:
Haiena bait da zeruetako erreinua.

Dohatsu otzan eta eztiak:
agindutako lurraz bait dira jabetuko.   R./

Dohatsu negarretan direnak:
gozotasuna izango dute Jaunagandik.

Dohatsu zuzen-gose direnak:
hoien goseak bere asea izango du.   R./

Dohatsu errukior direnak:
ziur bait dute lortuko haiek errukia.

Dohatsu garbi diren bihotzak:
haiek bait dute Jaun zerukoa ikusiko.   R./

Dohatsu pake-zale direnak:
beren izena izango dute Jainko-seme.

Dohatsu zapalduak direnak:
haiena bait da zeruetako erreinua.   R./

Alaitu eta poztu zaitezte:
ederra bait da zuen saria zeruetan.   R./

URTEAN ZEHARREKO XXIX. DOMEKEA /C

DOMUND EGUNA

Sarrera oharra

    Barriro alkartzen gara domekaz senide lez Jesukristo berbiztuarekin bat egiteko. Gaurko gure batzarrak ikutu berezi bat dau, DOMUND eguna ospatzen dogulako, fedearen zabalkunderako mundu osoan ospatzen dan igandea; aurtengo goiburua hauxe da: «Zoriontsu sinisten dabenak».

    Izan bekigu Eukaristia hau misiolari izatera deituta gagozela konturatzeko: batzuk Jesukristo iragarriz eta beste lurralde batzuetan alkar arduratuz; eta besteok hemen Ebanjelizatze asmoa onartuz: etorkinak geure arteko eginaz, justiziaren alde jokatuz edo Jesukristoren iragarpena sinisgabeen artean eginez.

    Kristau herriko kideok alkarrekin jokatzera deituta gagozela gogoan hartuz, egin daigun otoitzean bat, eukaristia honetan beste leku batzuetako kristau alkarteekin, gu baino gehiago sufritzen dabenekin eta egoera larrian aurkitzen direnekin.

Sarrera-abestia: Aita baten semeok...

Abadearen agurra

† Aitaren eta Semearen...
—Amen.

† Munduko argia eta Salbatzaile dan Jesukristo gure Jaunaren grazia eta bakea izan bediz zuekin.
—Eta zure espirituarekin.

Damu otoitza

—Jesus Jauna, mundu hau barriztatzeko indar zaituguna, erruki, Jauna.
—Jesus Jauna, munduarentzako egia, bidea ta bizia zarena, Kristo, erruki.
—Jesus Jauna, zure maitasunaren testigu izatera deitzen gaituzuna, erruki, Jauna.

1. Irakurgaia   (Ex 17, 8-13)

    Gure ahaleginak lorpen askatzaileak emongo dauz, Jaungoikoa kontuan hartzen badau eta hari gurtza benetakoa emoten badeutsogu. Horrela ulertu eban Israelek bere ibilpidearen lehenengo aldian.

Erantzun salmoa

R/. Jaunagan dago errukia, harengan askatasun ugaria

2. Irakurgaia  (2Tm 3, 14—4, 2)

    Fedea doaia da eta emon egin jaku pertsona lez sakontasun ta askatasunez landu ahal izan daigun; eta fedea alkarbanatzea ta zabaltzea benetako eginbeharra da kristau batentzat, eta ez bakarrik egin ahal daiteken zeozer.

Ebanjelioa   (Lk 18, 1-8)

    Jainkoak bere seme-alabak zuzentasunean bizi izan daitezela nahi dau; bera batez ere gehien sufritzen dabenekin egiten da bat. Gaur ere Kristok zuzentasun eginkizun honetara bialtzen gaitu bere izenean. Egin deiogun harrerea Aleluia abestuz, zutunik.

Jainko herriaren otoitza

    † Beti otoitz egitera gonbidatzen gaituen Jaunaren berban uste on osoa jarrita zuzendu deioguzan gure gaurko eskariak:

 

—Mundu osoan zabaldurik dagoen Elizearen alde: Jesukristoren salbamenaren ezaugarri argia izan daiten, eta pertsona guztiengana heldu daiten mezu honegaz, eskatu deiogun Jaunari.

—Misiolari guztien alde, Jesukristoren Barri Onaren testigu gartsuak izan daitezan, behartsuengandik hur bizi, eta hitzez ta ekintzaz jakin daien itxaropena ta Jainkoaren maitasuna aldarrikatzen, eskatu deiogun Jaunari.

—Mundu honetako guda, injustizia, gose, gaixotasun, alfabetatze-eza eta bazterkuntza egoeratan murgilduta dagozenen alde; egoerok salatuak izan daitezan, eta egoera barri, zuzen ta anaikor bat egiztatzeko jokatu dai­gun, eskatu deiogun Jaunari.

—Kristau ume, gazte eta helduek misiolari sena landu daien, Jesukristoren testigu izan gaitezan gure ikastetxe, bizileku, lantegi ta gizarte-har­tu­emonetan, eta gure inguruko erakundeetan sartu gaitezan pobreen ikuspegitik aldakuntzak ahalbideratzeko, eskatu deiogun Jaunari.

—Eukaristia honetan alkartu garenon alde: kristau izatea misiolaria izatea dala aintzat hartu daigun, eta zuzentasuna, bakea ta senidetasuna indartu daitezan gure artean, eta munduko arazoekin arduratuta bizi izan gaitezan, eskatu deiogun Jaunari.

    † Onartu Aita/Ama ona, konfiantza guztiaz zuzendu deutsuguzan zure seme-alabon otoitzak. Egizu pertsona guztiek ezagutu zaiezela zu eta zuk bialdutako Jesukristo Salbatzailea. Jainko ta errege bizi da-ta gizaldi ta gizaldietan.

    —Amen.

 

URTEAN ZEHARREKO XXVIII. IGANDEA —C—

Sarrera-oharra

    Senideok: gauza ederra da esker oneko izatea, eta edonon da onartua esker onekoa. Tamalez, gero ta esker txarrekoagoak gara, dana zor baleuskue lez jokatzen dogu, eta diruaz edozer lortu geikela uste dogu. Argi ikusi geike jainkozaletasunak egiten gaitula esker oneko. Baina non bota edo galdu ete dogu jainkozaletasuna? Beharrizanak alkartu egiten bagaitu, alkarregaz bilatu ta batzeko, aberastasunak alkarrengandik banandu egiten gaitu, besteei bildur hartzeraino. Bilatu daigun gaurko eukaristia honetan jainkozaletasuna, esker oneko izatea, besteak senide lez hartzea.

 

Sarrera-abestia: Aita baten semeok...

 

Damu-otoitza

    Gure uste ona (edo konfiantzea) Jainkoagan barik diruan ezarten dogunean esker txarreko eskakizungile egiten gara. Damutu gaitezan gure itxikeriaz, geurera baino ez begiratzeaz:

 

    —Jesus Jauna, beti behartsuen ondoan zengozana, erruki, Jauna!

    —Jesus Jauna, sinismena eskatzen deuskuzuna, Kristo, erruki!

    —Jesus Jauna, esker onean bizi izan zinana, erruki, Jauna!

 

1. Irakurgaia   (2Erg 5, 14-17)

    Diruaz ezin daiteke dana erosi; esker onak, ostera, mundu osoa irabazi daike, nagusiak eurak ere buru makur jarten dauz. Entzun, eta ikasi daigun.

 

Erantzun salmoa:

    R/. Kanta Jaunari kantu barri, egin dauz-eta hainbat harrigarri

 

2. Irakurgaia    (Tm 2, 8-13)

    Gogoramena indartsua da. Noiz gogoratzen gara Jesukristogaz? Gauzak txarto joakuzanean Jainkoagaz gogoratzen gara, baina Jesukristogaz? Gogoramen honexek dinosku zelango sinistunak garen. Entzun.

 

Ebanjelioa  (Lk 17, 11-19)

    Zer da sinismena Jesusentzat?; zelango indarra dau sinismenak?; zeri deritzogu guk sinismena, edo zer bilatzen dogu sinismenaz? Ea gertakari honek argitzen gaituen. Egin deiogun harrerea aleluia abestuz, zutunik.

 

Eskariak

    † Jainkoagana erreguka hurreratzeak gure makaltasuna ta beharrizana iragarri deiguzala, eta esker oneko bihurtu gaizala:

    —Gure Elizbarrutiaren alde: sinismenaren ondasuna eskertzen jakin daian, eskatu deiogun Jaunari.

    —Gure etxeetako gurasoen alde: sinismena landu ta ospatu daien eta seme-alabak sinismenean hezi daiezan, eskatu deiogun Jaunari.

    —Beste ezeregan baino diruan uste hobea dabenen alde: Jainkoaren ikutua izan daien, eskatu deiogun Jaunari.

    —Indarkeria erakustea eta bestea zapaltzea bilatzen dabenen alde: bakeak danok behar gaitula ikusi daien, eskatu deiogun Jaunari.

    —Jaunaren opari honetan eskuhartzen dogunok esker onez bete gaitezan eta behartsuak izan daiguzan gogoan, eskatu deiogun Jaunari.

 

    † Jauna, zeurea da dana eta dana hartzen dogu zeure ontasunetik; egizu hori geure bizitzan autortzen jakin daigula. Jesukristo gure Jaunaren bitartez.

    —Amen.

 

Oharrak

1 Datorren Domekan DOMUND dogu; misiolari garala gogoratuko dogu, eta itzi-ezineko konpromisua dogula hirugarren munduagaz.

2    Hirugarren domeka lez, Famili-Meza izango dira domeka horretako 12etakoa eta ordu 1etakoa.

 

Mezak

URTEAN ZEHARREKO XXVII. IGANDEA —C—

 

Sarrera-oharra

    Senideok: Erasoa da gure eguneroko kantua, eta bestea txikituz gura doguz konpondu arazoak. Hau ete da gure arteko eztabaidak konpontzeko bide bakarra? Zer erakusten ete deusku Jainkoak? Eta, beragana joten ez badogu, ez ete doguz umekeriatzat hartuko alkarrizketea, errukia, parkamena..., eta Jainkoak guri egiten deuskuzan beste begiramen guztiak?

    Goazen Jainkoagana berak aldatu ta barriztatu deigun barruan daroagun harrizko bihotz hau, bere errukitik ulertzen hasi gaitezan gure mundu hau.

 

Sarrera-abestia: Aita baten semeok...

 

Damu-otoitza

    Sinismena dohango (debaldeko) gauza bat dogu, Jainkoaren erregalua. Baina zenbat bider bilatzen dogun ez Jainkoagaz egotea, harengandik onurak eta etekinak ataratea baino. Damutu gaitezan gure zalekeriaz:

    —Jesus Jauna, Jainkoaren morroi agertzen zaiakuzana, erruki, Jauna!

    —Jesus Jauna, dohai huts lez emoten zaiakuzana, Kristo, erruki!

    —Jesus Jauna, hartzeko nagia baina emoteko esku-zabala, erruki, Jauna!

 

1. Irakurgaia   (Hab 1, 2-3;2, 2-4)

    Jainkoari dei egiten deutsoenek ere sufritzen dabe erasoa, eta Jainkoak ez dauzela erasootatik ataraten ikusten dabe. Zein da Jainkoaren erantzuna? Asetuko ete gaitu erantzun horrek? Entzun!

 

Erantzun salmoa:

    R/. Entzungo al dozue gaur Jaunaren ahotsa: «Ez gogortu zuen bihotza»

 

2. Irakurgaia    (Tm 1, 6-8.13-14)

    Sinistun izatea ez da Jainkoari gatxaldietan erregu egitea, haren esane-tara jartea baino, eta haren erreinuaren hotsegile ta eraikile izatea. Gure sinismenaren barri emoten jakin behar dogu, ba. Entzun.

 

Ebanjelioa

    Gure arazoa sinismenik eza ete da? Sinistunak garela uste dogu baina, ulertzen ete dogu, gero, gure sinismena Jesusek nahi dauan lez? Egin deio-gun harrerea hori dinoskun Jesusi, aleluia abestuz, zutunik.

 

Eskariak

    † Gure Elizbarrutiak ekiturte honetarako egin dauen aukerea gogoan iza-nik, gure otoitza gehien sufritzen dabenen aldekoa izan daitela:

 

    —Eliz Amaren alde: dohainik hartu dauan sinismen-dohaia dohainik emoten jakin daian, bere seme-alaba guztiak alkar bizitzara ta alkarren zerbitzura eroanez, eskatu deiogun Jaunari.

    —Bizitza hobe baten amesean etxetik ihes egiten dagozenen alde: alkartasuna bilatu daien eta beso zabalek egin deien harrera on, eskatu deiogun Jaunari.

    —Egindako kalteari kalte handiagoaz erantzun nahi deutsoenen alde: harrokeriak alde batera itzi eta herrien alkartasuna bideratu daien egoera barri bat eta senidekorragoa bultzatzeko, eskatu deiogun Jaunari.

    —Gure herri honetan eta gure parrokian bake zaletasuna erein daigun, etxeetako txikiei leku egin deiegun, alkartasuna bilatu eta danok Jaunaren mahai-inguruan egotea amestu, eskatu deiogun Jaunari.

 

    † Jainko Aita, atara gaizuz gogorkeriaz erantzun nahi izatetik eta emoi-guzu alkarrenganatzeko gogo bizia. Jesukristo gure Jaunaren bitartez.

    —Amen.

 

Oharrak

 

—Mezak

 

URTEAN ZEHARREKO 21. DOMEKEA - C -

 

SARRERAKO OHARKIZUNA

   Gure salbamena Jainkoaren gauzea da; baina Jesusek salbamen horren ezaugarriak emoten deuskuz: alkartasuna, alkarrentzako harrera ona eta abar. Gaur bakotxak berean egon ta izan nahi dogu, elizan eta otoitzean ere bai; besteak iguingarri-edo doguz. Ez da hori Jesusek iragarten deuskun salbamenaren ezaugarri... Alkartu gaitezan Eukaristia honen mahai inguruan eta otoitzean.

Sarrera-abestia: "Zein gozo ta eder dan..."

 

DAMU-OTOITZA

   Jainkoaren doai edo erregalu lez barik, geure lorpen lez ulertzen dogu salbamena, eta betebehar zaleak gara, lege zaleak, itxura zaleak. Damutu gaitezan Eukaristia honen hasieran:

   —Jesus Jauna: gure azaleko arazoak saihesten dozuzana, erruki, Jauna!
   —Jesus Jauna: alkartasunean ta justizian nahi gaituzuna, Kristo, erruki!
   —Jesus Jauna: Jainkoaren salbamena gizaki guztientzako iragarten dozuna, erruki, Jauna!

 

Lehenengoa: Is 66, 18-21

   Jainkoaren epaiak herrialde guztiak alkartzea dakar bere aurretik. Horren esangurea, salbamena herrialde guztietara zabaldua dala da. Entzun daigun Profetearen barri pozgarri hau.

 

Erantzun-Salmoa:  (116) "..."

            R/ GORATU EIZU JAUNA ORAIN TA BETI

 

Bigarrena: Hb 12, 5-7.11-13

   Tentaldietan ta arriskuetan eutsi beharra sakontzen dau gaurko irakurgai honek ere; gure eredua Kristo Jesus dogu, danean zintzoa izan zan arren, zigorkatua ta Jainkoak baztertua lez hila.

 

Ebanjelioa: Lk 13, 22-30

   Zelango galderak egin geikeoz Jesusi? Zelan erantzungo deusku? Jesusen erantzunek hausnarketa sakona eskatzen dabe, eta otoitz giroa. Egin deiogun harrerea Aleluia abestuz, zutunik.

   "Aleluia".

 

JAINKO HERRIAREN OTOITZA

†  Zuzendu deioguzan gure eskariak Jainkoari, bere salbamena gugana ta gizaki guztiengana heltzeko gogo ta eskariagaz:

   —Elizea inguru ireki bat izan daiten gizaki, herrialde, arraza, kultura eta izakera guztientzako, eskatu deiogun Jaunari.

   —Herri-agintari ta nagusiek bestenganako begiramena indartu ta gauzatu daien, alkarrenganako eroapena eta herrien arteko alkarrizketea, eskatu deiogun Jaunari.

   —Domekako Eukaristiaren mahai inguruan alkartzen garenok, eta Kristogaz bat egin, Justiziaren aldeko konpromisua geure bizitzara eroan daigun, eskatu deiogun Jaunari.

†  Entzun, Jauna, zure gurariagazko zintzotasunean bizi izan gura dogunon eskariak, eta egizu, gizaki guztiek izan daiela zure salbamenaren atsegina. Jesukristo gure Jaunaren bitartez.

   —Amen.

 

OHARRAK

 

 

URTEAN ZEHARREKO XXVI. IGANDEA —C—

Sarrera-oharra

   Senideok: Gure uste ona (edo konfiantzea) Jainkoagan dogu, ala berari egiten deutsoguzan gauzetan? Ze balio emoten deutsegu gure otoitzari, mezeari, limosnei, eliz-ekintzei, mesedeak egiteari, eta abar?

   Gaurko munduan, batzuk dirua amesten dabe, beste batzuk ahalmena edo indarra, eta makalenek amuletoak erabilten dabez, honeek gatxetik babestuko dabezelakoan...

   Jainkoa ez daitela izan guretzat amuletu bat, behartsuenganako etenbako deia baino: Aita dogu, eta seme-alaba nahi gaitu. Ospatu daigun seme-alabatasuna nabaritu ta indartuko dauen Jesukristoren esker otoitza, euren lurraldetik urten beharra izan dabenak-eta gogoan izanik.
 

Sarrera-abestia: Aita baten semeok...
 

Damu-otoitza

   Eratuta dagoen gizartean bizi gara, eta, sarriegitan, inoren esku itxi do­guzan arduretaz gogoratu ere ez gara egiten. Damutu gaitezan gure nagikeriaz:

   —Jesus Jauna, jaio barritan erbesteratua izan zinana, erruki, Jauna!
   —Jesus Jauna, baztertuen lagun egin zinana, Kristo, erruki!
   —Jesus Jauna, zure mahaira danetarikoak deitzen dozuzana, erruki, Jauna!
 

1. Irakurgaia

   Siniskerian, erlijio-ekintzak norberaren babesle lez hartzen dira. Sinismenean Jainkoa lagun lez hartzen da, eta beragaz egotea bilatzen da. Jokabide honeaz, Jainkoak behartsuengana bultzatzen dau.
 

Erantzun salmoa:   R/. Goratu daigun Jauna, orain ta beti.
 

2. Irakurgaia

   Sinismenean egia bilatzen da, eta egiaren barri emotea. Ez da, ba, Jainkoaren ezaupidea haregazko hartu-emonak ezkutuan bizi izatea, autorle izatea baino.
 

Ebanjelioa

   Dirutan edo indarkerian-eta uste dabenek, txikiak-eta baztertu egiten dabez. Eta Jainkoa txikien ta baztertuen artean dago, eurekin bat eginda. Egin deiogun harrerea hori dinoskun Jesusi, aleluia abestuz, zutunik.

Eskariak

   † Jainkoak bizitzako gora-behera ta arazoetan aurkitu daigula nahi dau; gaurko gure otoitza herrialdea bertan behera itzita leku-bila han-hor-hemen dabizenekin bat egindakoa izan daitela:

   —Gure Elizbarrutiaren alde: «arrotz nintzan eta etxean hartu ninduzun» gauzatu nahi dau. Izan daiala eliztar guztion oneritxia, eskatu deiogun Jaunari.

   —Hara-hona dabizenen alde: errazkeriaren sareetan jausi ez daitezan, eta besteontzat senidetasunerako dei gertatu daitezan, eskatu deiogun Jaunari.

   —Aberaskerietan, ondasunak alperrik galtzen diharduenek entzun ahal izan daien behartsuen oihua, eta eurekin alkarbanantzeko gauza izan  daitezan, eskatu deiogun Jaunari.

   —Gure etxe ta sendiak maitasun-eskola eta harrera-leku izan daitezan, eta, horretarako, sendi-otoitza izan daiten euretan, eta Jainkoaren izena goratua izan daiten, eskatu deiogun Jaunari.

   —Eukaristiara hurreratu garenok ondasunen banantzaile izan gaitezan, eta gure uste ona Jainkoagan izan daigun eta ez geure erlijio-ekin­tzetan, eskatu deiogun Jaunari.

   † Jainko Aita, emoiguzu zintzotasun Espiritua zure bihotzaren ondasunen barri-emoile ta banantzaile izan gaitezan. Jesukristo gure Jaunaren bitartez.

   —Amen.

 

Oharrak

 

 

URTEAN ZEHARREKO XXV. IGANDEA —C—

Sarrera-oharra

     Senideok: ba ete dabe zer ikusirik gure ondasunek Jainkoaren nahiarekin? Esan behar ete deusku Jainkoak zelan erabili behar doguzan gure ondasunak? Batzuk horrela uste izango dabe, eta ondo bereiztuko (edo dis­tin­giduko) dabez ondasunak eta Jainkoaren nahia. Baina ondasun guztien iturri bakar Jainkoa dala autortzen dakianak beste hauxe egingo dau: ondasunak ondo erabili ahal izateko, ea zer dinon Jainkoak begiratu, bilatu... Izan gaitezan horreetarikoak.

Sarrera-abestia

—Zein gozo ta eder dan  

Damu-otoitza

     Ba dakigu Jainkoari osasuna eskatzen, eta gure hildakoen ta maiteen alde ere eskatzen dogu. Baina eskatzen ete dogu ondasunen banantzaile zintzo izaterik? Bihotz barritzeko asmotan jo daigun Jainkoaren errukira.

     —Jesus Jauna, Jainkoaren ondasunen barri emoten deuskuzuna, erruki, Jauna!

     —Jesus Jauna, behartsuengana hurreratzen zinana, Kristo, erruki!

     —Jesus Jauna, gure ondasun bakar izan nahi dozuna, Erruki, Jauna!

Lehenengo irakurgaia

     Ondasunak pilatzearren besteak —batez ere makalenak— zapaltzera heltzen gara. Horren salakuntzea egingo dau profeteak, eta Jainkoak zer nahi dauen iragarriko deusku.

Erantzun salmoa: R/ Erruki hutsa dogu Jauna, errukia ta maitasuna.

Bigarren irakurgaia

      Herri agintarien alde eskatzen irakatsiko deutse Paulok bere ikasleei, eta Jainkoak bere Semeagan iragarten deuskun bidea bilatzen... bakez bizi izan gaitezan.

Ebanjelioa

     Zein arduragabeak garen Jainkoari dagokiozenetan! Zenbat arduratzen garen, ordea, bestelakoetan! Baina Jainkoaren nahia bilatuko bagendu, beste gauzek eta ondasunek aparteko balioa hartuko leukee Jesusengan. Egin deiogun harrerea, Aleluia abestuz, zutunik.

Eskariak

     Ondasun guztien iturburu den Jainkoari zuzendu deioguzan gure eskariak:

     —Gure eliz alkarteen alde: behartsu ta baztertuengana hurreratzen jakin daian, eta hareik bere mahaira erakarten, eskatu deiogun Jaunari.

     —Baztertuen, lanik bakoen eta sufritzen dabenen alde lanean diharduenek beti izan daien guztien Aita dan Jainkoaren laguntza-ziurtasuna, eskatu deiogun Jaunari.

     —Ondasunen jabe izanik, edozelan eralgiten dabezenen alde: ondasunekin Jainkoa gorestea bilatu daien, eta ez euren atsegin hutserako erabiltea, eskatu deiogun Jaunari.

     —Beharrizanik barik, ondasunen jabe garenok neurritsu izaten ikasi daigun, eta ondasunak alkarbanantzen, eskatu deiogun Jaunari.

     —Ondasunen banatzaile eta behartsuen ondoko dan «Karitas»en alde: geure-geure gauza lez hartu daigun eta bere lana aintzat hartu, eskatu deiogun Jaunari.

 

     Jainko Aita, ondasun guztien iturburu, ondasunen jabe egin gaituzunok esker onez jo dogu zure errukira. Entzun, arren, gure otoitza. Jesukristo.

     -Amen.

Jaunartzerako

     Guztiz ahaltsua ta oparo aberatsa behartsu egiten da gugaitik maite gaitulako, eta bere mahaira deiegiten deusku, geu ere, besteen alde, behartsu bihurtzeko. Alkartu gaitezan beragaz ogi honetan.

Azkenean

     Gogorrak izan dira profetearen berbak ondasun-gose direnen aurka eta behartsu-zapaltzaileen aurka. Izango ete gara neurritsu eta behartsuak gure mahaikide egitekoak?

 

 

Azken oharrak