URTEAN ZEHARREKO XVIII. DOMEKEA - A

 

SARRERAKO OHARKIZUNA

 Egunon, guztioi, eta ondo etorri Eukaristiaren ospakizun honetara.

 Gure eguneroko bizitzan behar dogun eusgarria, Jaungoiko Aitak Jesukristogan eskeintzen deusku. Baina, kontuz! Eukaristian ez dau lekurik aurkituko bereaz ase­ta dagoanak. Eukaristiak, gose dana, behartsu sentitzen dana, ase eta beteten dau.

 "Bihotz batez..."

 

DAMU-OTOITZA

 Mezearen hasieratik agertu daigun Jainko-errukiaren egarri gareala eta eskatu deiogun Aitari gure pekatu guztien parkamena:

 - Jesus Jauna, maite gaituzun Artzain Ona. ERRUKI, JAUNA.

 - Jesus Jauna, zeure Ogitik jaten emoten deuskuzuna. KRISTO, ERRUKI.

 - Jesus Jauna, zure Aitaren seme-alaba izateraino jaso gaituzuna. ERRUKI, JAUNA.

 

Is 55, 1-3

 Profeten bidez berba egiten deutso Jaungoikoak bere herri Israeli. Egoera larrien erdian, itxaropenera dei egingo deutso.

Erantzun-Salmoa: "Jauna dot argi eta salbamen..."

Erm 8, 35. 37-39

 Jesus benetan maite badogu, ez inork ez ezerk ezingo gaitu Kristoren maitasunetik aldendu.

Mt 14, 13-21

 Gaurko Ebanjelioan, Jesus agertuko jaku gose dan gizatalde haundi bati jaten emoteko mirari bat egiten.

 Prestau gaitezan Haren berbak entzuteko, pozez beterik Aleluia abestuz.

JAINKO HERRIAREN OTOITZA

† Senideok: Jesusegan ikusten dogu, Jaungoikoa behartsuekin errukitu egiten dala. Aurkeztu deioguzan uste osoz, geure inguruan ikusten ditugun beharrizanak:

 - Eleiza osoaren alde: beti behartsuen zerbitzura bizi daiten, Jaungoikoaren dohaia bazter guztietara banatuz. ESKATU DEIOGUN JAUNARI.

 - Mundu honetan itxaropenik baga bizi diran gizon eta emakumeen alde, eta eguneroko ogia falta jakenen alde. ESKATU DEIOGUN JAUNARI.

 - Munduko herri guztien alde eta batez ere gure herriaren alde: zuzentasuna, askatasuna eta bakea nagusitu daitezala eta era guztietako behartsuak behar dabena izan dagien. ESKATU DEIOGUN JAUNARI.

 - Eukaristiaren ospakizun honetan alkartuta gagozan guztion alde: ez inork ez ezerk ez gagizala aldendu Kristoren maitasunetik, alkarri zerbiduz eta alkar maitatuz bizi izan gaitezan. ESKATU DEIOGUN JAUNARI.

† Entzun, Aita ona, gure eskariak; eta zure guganako maitasuna ezagutu dogunok, besteekin bihotz handiko izan gaitezala. Jesukristo gure Jaunaren bitartez. Amen.

 

 

OHARRAK

URTEAN ZEHARREKO XVIII. DOMEKEA - A

SARRERAKO OHARKIZUNA

 Egunon, guztioi, eta ondo etorri Eukaristiaren ospakizun honetara.

 Gure eguneroko bizitzan behar dogun eusgarria, Jaungoiko Aitak Jesukristogan eskeintzen deusku. Baina, kontuz! Eukaristian ez dau lekurik aurkituko bereaz ase­ta dagoanak. Eukaristiak, gose dana, behartsu sentitzen dana, ase eta beteten dau.

 

 "Bihotz batez..."

 

DAMU-OTOITZA

 Mezearen hasieratik agertu daigun Jainko-errukiaren egarri gareala eta eskatu deiogun Aitari gure pekatu guztien parkamena:

 - Jesus Jauna, maite gaituzun Artzain Ona. ERRUKI, JAUNA.

 - Jesus Jauna, zeure Ogitik jaten emoten deuskuzuna. KRISTO, ERRUKI.

 - Jesus Jauna, zure Aitaren seme-alaba izateraino jaso gaituzuna. ERRUKI, JAUNA.

 

Is 55, 1-3

 Profeten bidez berba egiten deutso Jaungoikoak bere herri Israeli. Egoera larrien erdian, itxaropenera dei egingo deutso.

Erantzun-Salmoa: "Jauna dot argi eta salbamen..."

Erm 8, 35. 37-39

 Jesus benetan maite badogu, ez inork ez ezerk ezingo gaitu Kristoren maitasunetik aldendu.

Mt 14, 13-21

 Gaurko Ebanjelioan, Jesus agertuko jaku gose dan gizatalde haundi bati jaten emoteko mirari bat egiten.

 Prestau gaitezan Haren berbak entzuteko, pozez beterik Aleluia abestuz.

 

JAINKO HERRIAREN OTOITZA

† Senideok: Jesusegan ikusten dogu, Jaungoikoa behartsuekin errukitu egiten dala. Aurkeztu deioguzan uste osoz, geure inguruan ikusten ditugun beharrizanak:

 - Eleiza osoaren alde: beti behartsuen zerbitzura bizi daiten, Jaungoikoaren dohaia bazter guztietara banatuz. ESKATU DEIOGUN JAUNARI.

 - Mundu honetan itxaropenik baga bizi diran gizon eta emakumeen alde, eta eguneroko ogia falta jakenen alde. ESKATU DEIOGUN JAUNARI.

 - Munduko herri guztien alde eta batez ere gure herriaren alde: zuzentasuna, askatasuna eta bakea nagusitu daitezala eta era guztietako behartsuak behar dabena izan dagien. ESKATU DEIOGUN JAUNARI.

 - Eukaristiaren ospakizun honetan alkartuta gagozan guztion alde: ez inork ez ezerk ez gagizala aldendu Kristoren maitasunetik, alkarri zerbiduz eta alkar maitatuz bizi izan gaitezan. ESKATU DEIOGUN JAUNARI.

† Entzun, Aita ona, gure eskariak; eta zure guganako maitasuna ezagutu dogunok, besteekin bihotz handiko izan gaitezala. Jesukristo gure Jaunaren bitartez. Amen.

 

OHARRAK

URTEAN ZEHARREKO XVI. DOMEKEA - A

SARRERAKO OHARKIZUNA

 Senideok: Eleiza santu gara, eta, aldi berean, Eleiza pekatari ere bai. Egunetik egunera bihotz-barritzen eta bere jokabideak zuzentzen ahalegindu behar dauan Eleizea.

 Guztiz santuak izan arte itxaron behar bagendu, Eukaristiarik ez genduke sekulan ospatuko. Baina Jaungoikoak ondo ezagutzen gaitu eta gu noiz bihotz-barrituko zain daukagu. Eta Eukaristia bera ere horretarako bide eta aukera lez eskeintzen deusku.

 Gogo horregaz, hasierea emon deiogun Meza santuari, sarrerako kantua abestuz.

 

 "Bihotz batez alkarturik..."

 

DAMU-OTOITZA

 Senideok: prestau daiguzan geure bihotzak Jaungoikoaren Berbea gogoz entzuteko. Horretarako, geure pekatu guztien parkamena eskatu dagigun:

 - Jesus Jauna, guztiz ona eta parkatzailea zareana. ERRUKI, JAUNA.

 - Jesus Jauna, gu guztiokin eroapen haundikoa zareana. KRISTO, ERRUKI.

 - Jesus Jauna, azken eguneko epaile zaituguna. ERRUKI, JAUNA.

 

Jak 12, 13. 16-19

 Jaungoikoak, ahalguztiduna eta errukiorra dalako, oker dabilenari aukera barriak emoten deutsoz bihotz-barritu eta bihurtu daiten.

 

Erantzun-Salmoa: "Jauna, zure maitasuna..."

 

Erm 8, 26-27

 San Paulok esango deusku gugan dagoan Jaungoikoaren Espirituak guri laguntzen diharduala beti.

 

Mt 13, 24-43

 Jesusek, parabola batzuen bidez, Zeruetako Erreinuari buruz berba egingo deusku ebanjelioan. Zutundu gaitezan Haren berbak entzuteko.

  Aleluia.

 

JAINKO HERRIAREN OTOITZA

 Senideok: zuzendu deioguzan Jaunari Eleizearen eta mundu osoaren aldeko eskariak. Espiritu Santua laguntzera datorkigu geure ezinean, beti ere nahi doguna barik behar doguna eskatu daigun:

 - Eleizearen alde: Jaunak zaindu dagiala, eta maitasunaren eta parkamenaren bidetik eroan dagiala. ESKATU DEIOGUN JAUNARI.

 - Gure inguruko inor epaitu eta baztertzeko biderik ez dagigula hartu inoiz. ESKATU DEIOGUN JAUNARI.

 - Fede-bizitzatik eta Eleizatik urrundu diran guztien alde: euren bihotz bazterrean Jaungoikoaren dei errukitsua barriro entzuteko zoriona izan dagiela. ESKATU DEIOGUN JAUNARI.

 - Meza santu hau ospatzeko alkartu gareanon alde: ikasi dagigula eroapena izaten, besteai parkatzen eta danen onbideratzea itxaroten. ESKATU DEIOGUN JAUNARI.

 Onartu, Jaungoiko Aita, Espirituak gure barruan sortu dituan eskariak; gogoan izan egizuz gure beharrizanak eta emoiguzu beti zure laguntza. Jesukristo gure Jaunaren bitartez. Amen.

 

OHARRAK

Urtean zeharreko 34. Igandea —C—

Jesukristo gure Jauna, diren guztien Erregea

Sarrerea

Senideok: Liturgia urteko azkeneko domekan gagoz, eta azkenekoa dalako, bere berezitasuna izan behar dau. Liturgiaren aldetik badauka: Jesukristoren erregetzea ospatzen dogu. Baina, ze berezitasun aurkitzen dogu gure bizitzan gaurko egun honetan? Ze berezirik eskeiniko deutsogu Jainkoari, edo hartuko dogu beragandik?

Jainkoak argitasun eta itxaropen ederrak emoten deuskuz: itxura baten dana heriotzara eta ilunpetara bidean dagoen arren, dana doa bere altzora, bere Semearengan batuz. Honek heriotzan bertan agertzen dau bere handitasuna, bere erregetza. Ospatu daigun.

Aintzarako

Goretsi daigun Jainkoa azkeneko domeka honetan bere Semeagan hartzen gaitulako Espirituaren indarrean. Eta bizkortu daiguzan gure itxaropena ta sinismena:

—Aintza zeruetan Jainkoari.

* Bakea lurrean gizonari.

Lehenengo Irakurgaia (2Sm 5, 1-3)

Dabid zelan izendatzen daben errege azalduko jaku orain. Baina hartu gogoan: zenbat eta zelango guzurrez inguratzen doguzan geure atseginezko diren gauzak! Lehen Dabiden aurka egon zirenak, orain haren morroi jarri nahi dabe. Holangoak izango ete gara geu ere Jainkoarekin?

Erantzun salmoa (121)

Elizara joatea Jainkoaren deiari erantzute lez hartu ezkero, pozik joango ginateke alkarregaz bat egitera eta Jainkoa gorestera; eta hauxe da Salmo honetan iragarriko doguna. Izan daitela geure barrutik sortzen dan adierazpen eta eskaria.

Bigarren irakurgaia (Kol 1, 12-20)

Begira zelango indarraz adierazten daben Kolosako kristauek euren sinismena: antxinakoa da iragarpen hau, eta holango esaldi batzuetan batzen eben euren sinismena. Hartu daigun geure sinismena adierazteko dei lez.

Ebanjelioa (Lk 23, 35-43)

Zelango erregea da, ba, Jesukristo? Ez da errege garailea, heriotza-unean dagoena baino. Holango erregerik ez dau nahi munduak. Uste on izan behar da, gero, holango batengan, benetan errege autortzeko! Egin deiogun harrera on, Aleluia abestuz, zutunik.

Eskariak

Jarri daiguzan gure begiak, lapur onaren antzera, Jesusengan, eta holantxe zuzendu deioguzan eskari apalak Jaungoiko Jaunari:

—Gure Elizbarrutiaren alde: gure gizarteak baztertzen dauzen etorkin eta alboratuak bereganatzeko ahaleginetan danon eskuzabala aurkitu daian, eskatu deiogun Jaunari.

—Gizartean guzurra dala nagusi ikusten dogu, eta erabili ere bai, zeozer lortu nahi dogunean; egizaletasunera aldatu gaizala, eskatu deiogun Jaunari.

—Ahaltsutasuna eta nagusitasuna erakusteko indarkeria erabilten da, eta nahi dana hil edo azpian hartu; bizia eskeintzera aldatu gaitezan, eskatu deiogun Jaunari.

—Siniskeriak eta lorpen errazak nahi dauzen inguruan gagozenok ez gaitezela errazkeriaren liluretan jausi, ikasi daigula zenbat sufritu behar izaten dan eta ahalegindu gaitezan Erreinuko baloreak iragarten ta bizitzan gauzatzen, eskatu deiogun Jaunari.

† Jainko errukitsua: zure erreinuaren ametsean bizi garenok ez daigula inoiz itxaropena galdu, ha zoritxar guztien gainetik iragarri baino. Jesukristo gure Jaunaren bitartez.

—Amen.

OHARRAK

Datorren domekan Abendua hasten dogu; Jaunaren etorrerea gertatzeko aldia: margoa, ubela; ez dago aintzarik; apainduria gitxiago; abesti egokiak... Gertakuntza giroan sartzen gara.

Urtean Zeharreko XXXIII. Igandea /C

  

Ohargileak: Ondo etorri, senideok, Eukaristia honetara. Egin deiogun harrerea buru izango dogun abadeari, zutunik, abestuz:

Sarrera-abestia

     Goazen alkarturik
     biztuta fedea,
     argitan zabalik
     maitasun-bidea.

Entzun dezagun apaltasunez,
entzun dezagun Jaunaren hitza;
bere hitzetan gure egia
gure indarra, gure bizitza

Sarrera-agurra

     Senideok: Liturgi urteko azken aurreko domekan gagoz eta zaharrak barriztu eta barriak urten behar dauala entzungo dogu. Jainkoa gertu dago dana barriztatzeko eta barritasun usainez gu jarteko. Baina beti ere, barriak konprometitu egiten dau; jakin egin behar da barria barri lez eukiten... Ez gaitezan bildur izan. Zaharra eta aldatu beharrekoa baztartzeko gertu egon gaitezan Jainkoaren barrikuntzeari harrera on egiteko gertu.

† Aitaren eta Semearen...

DAMU-OTOITZA  († Zuzendariak;  —Ohargileak)

†   Errukitsua da Jaungoikoa apaltasunez hurreratzen jakozanen­tzat. Autortu daigun ez dogula landu sinismena, eta behin baino sarriagotan bere lepotik barre egin dogula:

     —Jesus Jauna, zeu zaitugu Jainkoaren Barri Ona. Erruki, Jauna!
     —Jesus Jauna, zeugan hartzen dogu barritasun itxurea. Kristo, erruki!
     —Jesus Jauna, zeu zaitugu Aitagana bide barria. Erruki, Jauna!

† Jainkoak bere errukian hartu gaizala eta, biztuera egunean, bere Semearen ondoan jarri gaizala.

—Amen.

 

Aintzarako

     Jaungoikoa aintzaltzen dogunean beragandiko dohaiak es­ker­tu egiten deutsoguzela esan nahi dogu, eta esker onez erantzun nahi deutsogula. Goretsi daigun, ba, Jaungoikoa gogo beroz.

Lehenengo Irakurgaia  (Mal 3, 19-20a)

     Ez gaitezan bildurtu irakurgai hau entzuterakoan. Ulertu daigun Jainkoarena dala benetako zuzentasuna, eta horrek poztu gaizala.

Erantzun Salmoa   (Ps 97)

     Ba ete dago Jainkoarena baino zuzentasun ederragorik, zuzenagorik. Aintzaldu daigun salmo honetan Jainkoaren zuzentasuna, eta poztu gaitezan.

R/. Egin txalo errege dan Jaunaren arrean

Bigarren Irakurgaia  (2Tes 3, 7-12)

     Amaierearen zain egoteak ez gaitu lanetik eta on egitetik aldendu behar. Jainkoaren erreinua landu beharrak eten bako lana eskatzen deusku. Hori argi eukan Paulo apostoluak, eta horrexegaitik egiten deutsez bere ikasleei holango berba gogorrak. Entzun.

Ebanjelioa (Lk 21, 5-19)

     Ez gaizala bildurtu azken egunetako usain edo kutsuko pasarte honek. Zeozer irakatsi gura deutse Jesusen bere ikasleei. Horixe bilatu daigun ebanjelioan, harrerea zutunik eta Aleluia abestuz eginez.

Aleluia! Aleluia! Aleluia!

ESKARIAK  († Zuzendariak;  —Ohargileak)

†   Amaierea Jainkoaren esku dago, eta itxaropenez emon behar deutsogu aurpegi lanean eta uste onean. Horrela zuzendu deiogun gure eskari otoitza Jainkoari:

     —Gure Elizbarrutiaren alde: egunerik egunera ezagutuagoa eta maitatuagoa izan daiten bere eliztarren artean, eskatu deiogun Jaunari.

     —Mundu honetako gauzak igarokorrak direla-ta loak hartu ez gaizan, gerokoaren itxaropenera eroan baino, eskatu deiogun Jaunari.

     —Autonomiak eta independentziak alkarrengan aldentzera barik alkar errespetatzera eta alkarrekin lan egitera eroan gaizan, eskatu deiogun Jaunari.

     —Gure sinismen bizitza eliza barik ezer ez dala ulertzera, eta gure Elizbarrutia maitatzera eta haren eskutik inguruagaz konprometitzera eroan gaizan, eskatu deiogun Jaunari.

† Jainko Jauna: gogo onez zuzendu deutsuguzan eskariok zuri emoten deutsugun erantzuna suspertzeko gauza izan dakiguzala. Jesukristo gure Jaunaren bitartez.

—Amen.

Jaunartzerako abestia:

Zugaz bizi nahi dot Jesus ona
Zuk berotu daizun nire bihotza.
Ilun nago beti zugaz izan ezik
ez dot gura beste maitetasunik.

Nire bihotzera heldu zaitez
biok alkarrekin bizi gaitezen,
Bete naizu beti zure gorputzakin
atsegindu naizu zure odolakin.

        

Gure ondoan, Jauna,
egon zaitez beti:
zu zara gure bide eta gure bizi.

Zu zara, Jauna, zu gure Artzain
eta gu zure artalde,
nora ezean ibilten gara
ardi gaixook zu gabe (bir).

 

Oharrak

 

Urtean Zeharreko XXXII. Igandea /C

Ohargileak: Ondo etorri, senideok, Eukaristia honetara. Egin deiogun harrerea buru izango dogun abadeari, zutunik, abestuz:

Sarrera-abestia

Goazen alkarturik
biztuta fedea,
argitan zabalik
maitasun-bidea.

Entzun dezagun apaltasunez,
entzun dezagun Jaunaren hitza;
bere hitzetan gure egia
gure indarra, gure bizitza

Sarrera-agurra

Senideok: sinismena ez da danen gauzea, ez eta norberak uste izan daiken edozer ere. Jainkoak zabaldu egiten dauz bere dohaiak han-hor-hemen, eta batzuk onartu egiten dabez eta Jainkoari erantzun egin nahi deutsoe; baina beste batzuk barre egiten deutsoe, bai Jainkoari, bai bere dohaiei eta baita esker onez erantzun gura deutsoenei ere. Eta, zoritxarrez, geure artean gertatzen dan gauzea da hau: ez da asagora joan behar holangorik aurkitzeko.

Gaurko elizkizun honek Jainkoari esker onez erantzuten ahalegintzen direnen garra erakutsiko deusku, eta holango gauzei barre egiten deutseenen arinkeria. Eskertu deiogun Jainkoari sinismenaren dohaia, eta eskatu deiogun ha gogotsu iragarten ta ospatzen ekin deiogula.

† Aitaren eta Semearen...

DAMU-OTOITZA ( † Zuzendariak; —Ohargileak)

† Errukitsua da Jaungoikoa apaltasunez hurreratzen jakozanen­tzat. Autortu daigun ez dogula landu sinismena, eta behin baino sarriagotan bere lepotik barre egin dogula:

—Jesus Jauna, zeugan erakusten deusku Jainkoak bere biho­tza. Erruki, Jauna!
—Jesus Jauna, zeugan hartzen gaitu Jainkoak seme-alaba lez. Kristo, erruki!
—Jesus Jauna, zeugan aurkitzen dogu bizitzarako behar dogun adorea. Erruki, Jauna!

† Jainkoak bere errukian hartu gaizala eta, biztuera egunean, bere Semearen ondoan jarri gaizala.

—Amen.

Aintzarako

Jaungoikoa aintzaltzen dogunean beragandiko dohaiak es­ker­tu egiten deutsoguzela esan gura dogu, eta esker onez erantzun gura deutsogula. Goretsi daigun, ba, Jaungoikoa gogo beroz.

Lehenengo Irakurgaia (2Mak 7, 1-2.9-14)

Aberastasun edo aginpide edo atsegin-bila dabizenentzat alperrekoak dira Jainkoari eginiko eskeintzariak eta haren legepean bizi izatea. Baina sinistunak hortixik ataraten dau bere bizitzarako garra ta zentzua. Entzun.

Erantzun Salmoa (Ps 16)

Gure uste ona Jainkoagan jarten eta hau egunero barriztatzen lagunduko deusku salmo honek. Otoitz-giroan egin daigun; barru-barrutik sortu daitela otoitz-berba hau...

R/. Esnatzean zure aurpegiaz aseko naz, Jauna

(edo)

R/. Zu zaitut, Jauna, ondasuna

Bigarren Irakurgaia (2Ts 2, 16—3, 5)

Sinismena danen gauzea ez dala iragarriz, otoitzak eskatzen dauz Paulok sinismenaren iragarpenari ekin ahal izateko; eta horixe bide hori eskeintzen deutse ikasleei.

Ebanjelioa (Lk 20, 27-38)

Zelan erantzun barreguraz hurreratzen jakozanei? Ez ete dira saduzeoak behin baino sarriagotan geuk azaltzen dogun jarrerearen ezaugarri? Aleluia abestuz egin deiogun harrerea gaurko ebanjelio txatal honi.

Aleluia! Aleluia! Aleluia!

ESKARIAK ( † Zuzendariak; —Ohargileak)

† Apaltasunez, baina uste onez (konfiantzaz) hurreratu gakiozan, sinismenaren dohaia egin deuskun Jainkoari, eta eskatu daigun:

—Gure Elizbarrutiaren alde: gure herriaren sinismena aintzat hartu daian, eta sinismen hori landu daian, eta ospatzeko bideak zabaldu daizan, eskatu deiogun Jaunari.

—Eliztar helduen alde: landu bako sinismenari barre egitetik, sinismen hori lantzera igaro daitezan, eskatu deiogun Jaunari.

—Gure etxeetan sinismena landu ta ospatzeari denporatxo bat emon dakion, eta ume ta gazteek ere aintzat hartu ahal izan daien, eskatu deiogun Jaunari.

—Geure burua sinistuntzat autortzeak hau alkarregaz ospatzera eroan gaizan, eta hartutako ondasunen alkarbanantzaile egin gaizan, eskatu deiogun Jaunari.

† Jainko Jauna: gogo onez zuzendu deutsuguzan eskariok zuri emoten deutsugun erantzuna suspertzeko gauza izan dakiguzala. Jesukristo gure Jaunaren bitartez.

—Amen.

Jaunartzerako abestia:

Gogoratu Jesukristo
hil artetik biztua:
sekulako gure indar
eta salbamendua!

Zurekin bagara gu hilten
zurekin gara biziko;
zurekin ba dogu sufritzen,
zurekin Jaun eta Jainko.

edo

Gure ondoan, Jauna,
egon zaitez beti:
zu zara gure bide eta gure bizi.

Zu zara, Jauna, zu gure Artzain
eta gu zure artalde,
nora ezean ibilten gara
ardi gaixook zu gabe (bir).

Oharrak

URTEAN ZEHARREKO 31. IGANDEA —C—

  Sarrera-oharra

  Senideok: Zertan emoten dogu gure bizitzako denporarik gehien? Ondasunak pilatzen? Eta zer balio dabe ondasun guztiek ere? Edo... zenbat diren zoriontsu (eta benetako zorionean) ondasun barik!... Ba ete dago Jainkoaren grazia ta bakea baino ondasun handiagorik? Hara: hori Jesusen bila dabilenak baino ez daki. Beste ondasun bila dabilenak danek ihes egiten deutsoela ikusten dau, eta ezin dau ezer egin ihes egin ez deioen. Goazen gu benetako ondasunagana.

 

Sarrera-abestia

—Aita baten semeok

—Goazen alkarturik, biztuta fedea

 

Damu-otoitza

  Senideok: erruki deusku Jainkoak, maite gaitulako, eta ez deuskuz gure pekatuen kontuak hartzen, hareik parkatzen baino. Damutasunez hurreratu gakiozan, ba:

  —Jesus Jauna, Jainkoaren errukiaren barri emoten deuskuzuna, erruki, Jauna!

  —Jesus Jauna, zure bihotzean leku egiten deuskuzuna, Kristo, erruki!

  —Jesus Jauna, gugana hurreratu ta geurean gelditu gura dozuna, Erruki, Jauna!

 

Lehenengo irakurgaia    (Jk 11, 23—12, 2)

  Ezagutzen dogula Jainkoa uste dogu. Baina, hurreratu gara inoiz haren bularrera, bere bihotzeko taupadak entzuteko? Ea irakurgai honek laguntzen deuskun horretan.

 

Erantzun salmoa   (144, 1-2.8-9.10-11.13cd-14)

  144. salmo honek Jainkoagana hurreratzen gaitu, eta ha onesteko bide emoten deusku.

R/. Jainkoari irrintzi, irrintzi egiozue.

 

Bigarren irakurgaia   (2Ts 1,11—2, 2)

  Sinismena erregalu handia da, eta Paulok otoitz egiten dau ha hartu daien, eta, sinismena hartu daienak, ezeren bildur izan ez daitezan.

Ebanjelioa   (Lk 19, 1-10)

  Jesusen bila ibili eta ha benetan aurkitzen dauanak bere bizitzea iraulita aurkituko dau. Egin deiogun harrera on, hori azalduko deuskun ebanjelioari, Aleluia abestuz zutunik.

 

  Eskariak

  † Apaltasunez eta esker onez jo daigun Jainkoaren bila gure eskarietan:

 
  —Elizearen alde: gizakion artean Jainko-egarria sortu daian, eskatu deiogun Jaunari.

 
  —Elizara ohikerietan joten dabenen alde: Jainkoaren bila hasi daitezan, eskatu deiogun Jaunari.

 
  —On egite hutsaz nahikoa dabenen alde: Jainkoaren egarri izan daitezan, eta horren ezaugarri izan dakien on egitea, eskatu deiogun Jaunari.

 
  —Ondasunez ase-beteta dagozenen alde: hareen banantzearen poza aurkitu ahal izan daien, eskatu deiogun Jaunari.

 
  —Eukaristiaren ondasun eder honen atsegina dogunok be­ronen poza iragarten jakin daigun, eskatu deiogun Jaunari.

 
  † Maite gaituzulako gutaz errukitzen zaran Jauna, biztu gugan zeuk baino beste inork inork ase-bete ezin daiken egarria. Jesukristo.

  —Amen.